ЗША і Украіна дасягнулі пагаднення. Падпісаны важны кантракт

«Я рады абвясціць аб падпісанні сёння гістарычнага Пагаднення аб эканамічным партнёрстве паміж ЗША і Украінай», — заявіў міністр фінансаў ЗША Скот Бэсэнт.

Mіністр фінансаў ЗША Скот Бэсэнт

PAP/EPA/Yuri Gripas/ABACA / POOL

Міністэрства фінансаў ЗША абвясціла аб падпісанні пагаднення з Украінай аб стварэнні Амерыканска-ўкраінскага інвестыцыйнага фонду рэканструкцыі.

«Я рады абвясціць аб падпісанні сёння гістарычнага Пагаднення аб эканамічным партнёрстве паміж ЗША і Украінай», — заявіў міністр фінансаў ЗША Скот Бэсэнт.

«У знак прызнання значнай фінансавай і матэрыяльнай падтрымкі, якую амерыканскі народ аказаў абароне Украіны пасля паўнамаштабнага ўварвання Расіі, гэта эканамічнае партнёрства дазволіць нашым дзвюм краінам супрацоўнічаць і інвеставаць разам, каб нашы агульныя рэсурсы, таленты і магчымасці маглі паскорыць эканамічнае аднаўленне Украіны», — гаворыцца ў заяве Міністэрства фінансаў.

On behalf of the Government of Ukraine, I signed the Agreement on the Establishment of a United States–Ukraine Reconstruction Investment Fund.

Together with the United States, we are creating the Fund that will attract global investment into our country. pic.twitter.com/8ryyAMqW83

— Yulia Svyrydenko (@Svyrydenko_Y) April 30, 2025

«Ад імя ўрада Украіны я падпісала Пагадненне аб стварэнні Амерыканска-ўкраінскага інвестыцыйнага фонду рэканструкцыі. Разам са Злучанымі Штатамі мы ствараем Фонд, які будзе прыцягваць глабальныя інвестыцыі ў нашу краіну», — паведаміла ў сацыяльных сетках віцэ-прэм'ер-міністр Украіны Юлія Свірыдэнка.

Thanks to @POTUS @realDonaldTrump’s tireless efforts to secure a lasting peace, I am glad to announce the signing of today’s historic economic partnership agreement between the United States and Ukraine establishing the United States-Ukraine Reconstruction Investment Fund to help… pic.twitter.com/N1jPa35DYh

— Treasury Secretary Scott Bessent (@SecScottBessent) April 30, 2025

«Гэтае пагадненне выразна сігналізуе Расіі, што адміністрацыя Дональда Трампа заангажаваная ў мірны працэс, накіраванаму на свабодную, суверэнную і квітнеючую Украіну ў доўгатэрміновай перспектыве», - дадаў Скот Бэсэнт.

Амерыканскі палітык дадаў, што «ні адна дзяржава ці асоба, якія фінансавалі або забяспечвалі расійскую ваенную машыну, не будзе дапушчаная да атрымання выгады ад аднаўлення Украіны».

аз