Злучаныя Штаты абавязаныя строга выконваць 5-ты артыкул Статута НАТА, які прадугледжвае калектыўную абарону, — заявіў генеральны сакратар альянсу Марк Рутэ напярэдадні другога дня саміту ў Гаазе. Паводле гэтага артыкула, узброенае нападзенне на аднаго з членаў хаўрусу разглядаецца як напад на ўсіх яго удзельнікаў:
— Для мяне цалкам відавочна, што Злучаныя Штаты павінны выконваць артыкул 5. І менавіта таму ёсць чаканні, што сёння будзе дасягнутая дамоўленасць. Еўропа і Канада гатовыя паскорыць павелічэнне выдаткаў на абарону.
Гэта неабходна не толькі для таго, каб мы маглі самастойна абараняцца ад Расіі або іншых патэнцыйных пагроз. Гэта справядліва — укладваць столькі ж, колькі ўкладваюць ЗША.
Падчас другога дня саміту НАТА на пленарнай сесіі кіраўнікі 32 краін-сябраў НАТА абмяркоўвюць магчымасць павелічэння выдаткаў на абарону да 5% ВУП. Такая мера разглядаецца як стратэгічна важны крок у кантэксце росту геапалітычных пагроз і неабходнасці ўмацавання сумеснай бяспекі Альянсу.
IAR/эж