Урад у Празе ўключыў у нацыянальны санкцыйны спіс Алега Осіпава, блізкага паплечніка былога прэзідэнта Расіі Дзмітрыя Мядзведзева. Гэта рэакцыя на пагрозы, якія Осіпаў выказаў у адрас легендарнага чэшскага хакеіста Дамініка Гашэка, вядомага сваёй адкрытай крытыкай Крамля і ўдзелу расійскіх спартсменаў у міжнародных спаборніцтвах.
«Заявы Осіпава адпавядаюць метадам дзеяння Крамля, які спрабуе ліквідаваць крытыкаў рэжыму нават за межамі Расіі», – падкрэсліў міністр замежных спраў Чэхіі Ян Ліпаўскі.
«Калі нехта пагражае нашым грамадзянам смерцю, ён не можа разлічваць на тое, што яго прымуць у Чэхіі», – сказаў прэмʼер Чэхіі Пётр Фіала, дадаўшы, што Осіпаву будзе забаронены ўезд у краіну.
Раней, у красавіку, Дзмітрый Мядзведзеў «раіў» Гашэку быць уважлівым пры пераходзе вуліцы і не піць піва ў неправераных месцах.
Прага таксама абвясціла, што будзе імкнуцца да ўключэння Алега Осіпава ў санкцыйны спіс ЕС. У чэшскім спісе зараз дзевяць чалавек, у тым ліку, патрыярх Кірыл, а таксама дзве кампаніі.
IAR/аз