Гістарычная рыбацкая сядзіба у прыморскім літоўскім горадзе Ніда быў прададзены за больш чым 1,3 мільёна еўра. Дом датуецца пачаткам ХХ стагоддзя.
Агенцтва па кіраванні дзяржаўнай маёмасцю Літвы не раскрыла імя пакупніка нерухомасці. Чакаецца, што новы ўладальнік будзе афіцыйна зарэгістраваны на працягу месяца.
Рыбацкая сядзіба размешчана ў цэнтры Ніды на Куршскай касе. Гэта ўнікальная зона, якая знаходзіцца пад аховай ЮНЕСКА, прама на мяжы з Кёнігсбергскай вобласцю Расіі. Маёмасць знаходзіцца ў добрым стане і можа выкарыстоўвацца як у прыватных, так і ў камерцыйных мэтах. У доме захаваны характэрныя элементы старой рыбалоўнай архітэктуры: сінія дэталі фасада, прызначаныя для адпужвання насякомых, і белыя арнаментаваныя ветравыя скобы.
На ўсёй Куршскай касе дзейнічаюць строгія правілы адносна новай забудовы. Сучасныя збудаванні павінны гарманічна ўпісвацца ў традыцыйны ландшафт гэтага ўнікальнага рэгіёна.
Ніда і яе наваколле — адно з самых наведвальных месцаў на літоўскім узбярэжжы, якое штогод прыцягвае каля 300 000 турыстаў.
Сярод іншых славутасцяў — адны з самых высокіх пяшчаных выдмаў у Еўропе і знакаміты сонечны гадзіннік.
IAR/яс