У Токіа распачаўся 30-ы саміт Еўрапейскага Саюза і Японіі з удзелам старшыні Еўракамісіі Урсулы фон дэр Ляен, прэм’ера Японіі Сігеру Ішыбы і кіраўніка Еўрапейскага Савета Антоніу Кошты.
Бакі дамаўляюцца пра паглыбленне гандлёва-эканамічнага супрацоўніцтва, умацаванне канкурэнтаздольнасці і супольнае супрацьдзеянне несумленным практыкам на сусветным рынку.
— Канкурэнтаздольнасць пачынаецца ў сябе дома. Еўропа дасягае яе праз інвестыцыі ў інавацыі, паляпшэнне бізнес-асяроддзя і скарачэнне бюракратыі. Але ў сучасным свеце яе трэба будаваць разам з надзейнымі партнёрамі — такімі, як Японія.
Эканомікі ЕС і Японіі разам складаюць пятую частку сусветнага ВУП і маюць рынак у 600 мільёнаў спажыўцоў. Гэта дае магчымасць фарміраваць глабальныя правілы гандлю і тэхналогій на аснове сумленнасці і адкрытасці, — перакананая Урсула фон дэр Ляен.
На саміце таксама абмяркоўваюцца вайна Расіі супраць Украіны, санкцыі супраць Масквы і напружанасць на Блізкім Усходзе.
IAR/эж