У Варшаве з 6 па 8 верасня праходзіць Зʼезд народных дэпутатаў – канферэнцыя расійскіх апазіцыянераў з ліку экс-дэпутатаў рознага ўзроўню, якія перамаглі на выбарах у Расіі ў той час, калі гэтыя выбары яшчэ прызнаваліся сусветнай супольнасцю.
Зʼезд прэтэндуе на тое, каб стаць пераходным парламентам Расіі.
Удзельнікі мерапрыемства называюць сваімі мэтамі «ліквідацыю рэжыму Пуціна, перамогу Украіны і стварэнне ў Расіі такой сістэмы ўлады, якая забяспечыць адпаведны і незваротны выбар еўрапейскага шляху развіцця».
Таксама сярод мэтаў – «стварэнне прававой сістэмы, якая не дазволіла б Расіі ў будучыні вярнуцца на шлях выбудоўвання аўтарытарнай і таталітарнай дзяржавы».
Першае пленарнае пасяджэнне зʼезду адбылося 4-7 лістапада 2022 года ў населеным пункце Яблонна пад Варшавай. За тры гады ў яго працы прынялі ўдзел каля 250 дэлегатаў, гасцей і экспертаў.
Крэмль абʼявіў Зʼезд народных дэпутатаў «непажаданай арганізацыяй».
вс