Еўрапейская камісія дала арганізатарам 30 дзён на адказ.
ЕК абвясціла, што накіравала арганізатарам Венецыянскай біенале ліст, у якім паведамляецца аб магчымасці прыпынення або спынення фінансавай падтрымкі з боку ЕС. Гаворка ідзе пра грант у памеры двух мільёнаў еўра, прадастаўлены на тры гады.
Рашэнне Бруселя звязана з дазволам расійскім мастакам удзельнічаць у сёлетнім мерапрыемстве. Камісія лічыць, што гэта можа парушаць санкцыі ЕС супраць Расіі, якія дзейнічаюць пасля яе ўварвання ва Украіну.
Міністр замежных спраў ЕС Кая Калас заявіла, што аднаўленне прысутнасці Расіі на біенале з'яўляецца «маральна недарэчным». Яна падкрэсліла, што Расія праводзіць дзеянні, накіраваныя супраць культурнай спадчыны Украіны.
Камісія адзначае, што ўдзел расійскага павільёна, які фінансуецца і прасоўваецца Масквой, можа ўяўляць сабой ускосную прапаганду.
Пасля расійскага ўварвання ў 2022 годзе ва Украіну мастакі і ўстановы з гэтай краіны былі выключаны з шматлікіх еўрапейскіх мерапрыемстваў, у тым ліку з Венецыянскай біенале.
Вяртанне Расіі выклікала супраціў з боку некаторых краін. Фінляндыя абвясціла байкот мерапрыемства, калі расійскі павільён захаваецца.
Тым часам прадстаўнікі Украіны заявілі, што не будуць арганізоўваць пратэстаў падчас мерапрыемства, замест гэтага сканцэнтраваўшыся на ўласнай мастацкай прэзентацыі.
Міністр культуры Польшчы Марта Ценкоўска падпісала пратэст міністраў з 22 краін супраць удзелу Расіі ў 61-й Міжнароднай мастацкай выставе ў Венецыі.
IAR/яс