Міжнародны суд па Косаве абвесціць сваё рашэнне па справе былога прэзідэнта і прэм'ер-міністра Косава Хашыма Тачы і трох былых камандзіраў Арміі вызвалення Косава (УЧК).
Чакаецца, што прысуд будзе абвешчаны да поўдня. У некалькіх гарадах Косава ўстаноўлены вялікія экраны, каб жыхары маглі сачыць за абвяшчэннем прысуду. Улады і службы бяспекі рыхтуюцца да магчымых пратэстаў.
Злучаныя Штаты папярэдзілі сваіх грамадзян аб неабходнасці ўстрымацца ад паездак паблізу месцаў, дзе запланаваныя дэманстрацыі.
Генеральны сакратар НАТА Марк Рутэ, у сваю чаргу, запэўніў, што міжнародныя сілы KFOR застануцца ў Косаве незалежна ад развіцця падзей. НАТА таксама заявіла пра магчымае разгортванне сваіх сіл у залежнасці ад сітуацыі.
Напружанасць у Косаве расце ўжо некалькі дзён. У суботу ў Прышціне тысячы людзей правялі дэманстрацыю, патрабуючы апраўдання былых камандзіраў УЧК.
Суд тычыцца абвінавачванняў у ваенных злачынствах і злачынствах супраць чалавечнасці, учыненых падчас канфлікту 1998-1999 гадоў. Падсудныя абвінавачваюцца, сярод іншага, у пераследзе, забойстве, катаваннях і гвалтоўным знікненні. Усе чацвёра падсудных не прызналі сябе вінаватымі.
Пракуроры патрабуюць для кожнага з іх па 45 гадоў пазбаўлення волі.
ПР/юл