Улады Эстоніі ўважліва сочаць за сітуацыяй на мяжы з Расіяй. Гэта адказ Таліна на нядаўнія паведамленні аб тым, што Расія ўвяла абмежаванні на перамяшчэнне ў памежных раёнах.
Міністэрства ўнутраных спраў Эстоніі напісала на платформе X, што пасля рашэння Расіі часова абмежаваць перамяшчэнне ў некаторых раёнах паблізу эстонскай мяжы, сітуацыя на ўсходняй мяжы краіны застаецца спакойнай.
— Улады Эстоніі ўважліва сочаць за падзеямі і захоўваюць пільнасць, — гаворыцца ў заяве міністэрства.
Расія ўвяла абмежаванні на перамяшчэнне і дзейнасць у раёнах паблізу эстонскай мяжы да 26 верасня. Яна сцвярджае, што гэтыя меры прызначаны для прадухілення парушэнняў памежных і міграцыйных правілаў і абароны біялагічных рэсурсаў.
Тым часам эстонская версія партала «Delfi» апублікавала артыкул міністра замежных спраў Эстоніі. Маргус Цахкна запэўнівае, што ацэнка пагрозы для яго краіны не змянілася, а Расія зацікаўлена ў тым, каб сеяць страх у краінах Балтыі.
Кіраўнік замежных справаў Эстоніі падкрэсліў, што Талін пастаянна ацэньвае сітуацыю, бо пагрозы з боку Расіі нельга недаацэньваць, паколькі згаданая краіна «застаецца найбольш сур'ёзнай і доўгатэрміновай пагрозай еўрапейскай бяспецы».
IAR/аз