У дакладзе кансалтынгавай фірмы McKinsey Global Institute, на які спасылаецца CNN, гаворыцца, што да 2035 года прыблізна 11 мільёнаў работнікаў — прыкладна 6,5 працэнта ад цяперашніх работнікаў — будуць вымушаныя перакваліфікавацца на зусім іншыя прафесіі ў выніку аўтаматызацыі і ўкаранення штучнага інтэлекту.
У дакладзе прагназуецца, што штучны інтэлект можа стварыць больш працоўных месцаў, чым ліквідаваць на працягу наступных дзевяці гадоў, але гэтыя тэхналагічныя інавацыі могуць запатрабаваць найбуйнейшай і найбольш устойлівай трансфармацыі працоўнай сілы ў гісторыі ЗША.
— Хоць сацыяльныя сеткі поўныя змрочных прагнозаў адносна ўплыву штучнага інтэлекту на рынак працы, у Злучаных Штатах, верагодна, будзе больш працоўных месцаў, чым сёння, у той час як колькасць працоўнай сілы працягвае скарачацца з-за старэння насельніцтва, – гаворыцца ў дакладзе.
Паводле ацэнак экспертаў McKinsey, аўтаматызацыя можа скараціць попыт на працоўную сілу на 36 мільёнаў працоўных месцаў да 2035 года, у той час як развіццё галін, звязаных са штучным інтэлектам, і эканомікі ў цэлым можа стварыць попыт на 40 мільёнаў новых працоўных месцаў за той жа перыяд.
Аўтары дакладу падкрэслілі, што праблемай наступнага дзесяцігоддзя зʼяўляецца мабільнасць, а не дэфіцыт працоўных месцаў.
Генеральныя дырэктары буйных тэхналагічных кампаній падпісалі ў Белым доме дэкларацыю аб самарэгуляванні ў развіцці штучнага інтэлекту.
Дакумент называецца Пагадненне Белага дому аб суперінтэлекце. Насамрэч гэта проста неабавязковая дэкларацыя сімвалічнага значэння аб самарэгуляванні кампаній у гэтай галіне праз унутраны і знешні аўдыт. Яе падпісалі генеральныя дырэктары Nvidia, Meta, Google, Anthropic, Palantir, OpenAI і Ілон Маск.
ПР/юл