Канадская пісьменніца Эн Карсан стала лаўрэатам Нобелеўскай прэміі па літаратуры. Рашэнне Нобелеўскага камітэта аб'явіла сакратар Шведскай акадэміі Інгрыд Карлберг, адзначыўшы, што ўзнагарода прысуджана «за смелую і наватарскую творчасць, якая стварыла новыя формы сучаснай літаратуры ў свабодным дыялогу з традыцыяй».
— Мне ўдалося датэлефанавацца да Эн Карсан. На размову ў нас было зусім няшмат часу. Яна паспела толькі сказаць, што зараз знаходзіцца ў Ісландыі, дзе слухае вецер. Яна была здзіўленая, але вельмі рада, і гэта было чуваць па яе голасе, — дадала сакратар Шведскай акадэміі.
Эн Карсан нарадзілася ў 1950 годзе, з'яўляецца паэткай, эсэісткай, прафесарам класічнай літаратуры і перакладчыцай. Яна аўтар больш за дзесятка кніг. У Польшчы выдадзены яе творы «Горка-салодкі Эрас», «Аўтабіяграфія чырвонага» і «Прыгажосць мужа».
Эн Карсан з'яўляецца лаўрэатам многіх літаратурных узнагарод. У 2001 годзе яна стала першай жанчынай у гісторыі, якая атрымала прэстыжную прэмію T. S. Eliot Prize, якая прысуджаецца супольнасцю Poetry Book Society.
У 2025 годзе падчас візіту ў Польшчу Эн Карсан была ўганараваная Міжнароднай літаратурнай прэміі імя Збігнева Герберта.
iar/pap/эж