Прэм'ер Вялікабрытаніі: Расія ўмяшалася ў рэферэндум па брэксіце

Словы прэмʼер-міністра прагучалі падчас дэбатаў аб будучых адносінах Лондана з Бруселем.

Даунінг-стрыт, 10 - рэзідэнцыя і офіс прэм'ер-міністра Вялікабрытаніі

Autorstwa Photo: Sergeant Tom Robinson RLC/MOD, OGL v1.0, https://commons.wikimedia.org/w/index.php?curid=28014902

Расія ўмяшалася ў рэферэндум па выхадзе Вялікабрытаніі з ЕС у 2016 годзе, сцвярджае прэмʼер-міністр Вялікабрытаніі Эндзі Бернэм. Ён мае на ўвазе галасаванне, у якім брытанскі народ вырашыў выйсці з Еўрапейскага Саюза. Словы прэмʼер-міністра прагучалі падчас дэбатаў аб будучых адносінах Лондана з Бруселем.

Бернэм не раскрывае доказаў і не тлумачыць, ці паўплывала ўмяшанне на вынік рэферэндуму. Ён таксама не называе крыніцы інфармацыі. Ён апісвае размову пасля свайго ўступлення на пасаду.

— Пачаўшы працу на Даўнінг-стрыт, я спытаў, ці ўмяшалася Расія ў рэферэндум 2016 года. Я атрымаў адназначны адказ: «Так». Важна сказаць гэта зараз выразна і публічна, — заявіў прэмʼер-міністр Вялікабрытаніі.

Эндзі Бернэм закрануў тэму ўмяшання Расіі ў рэферэндум па брэксіце ў падкасце «Астатняе — гэта палітыка» ( «The Rest Is Politics»). Вядучымі размовы былі былы прэс-сакратар Тоні Блэра Аластэр Кэмпбэл i  былы міністр ад Кансерватыўнай партыі Роры Сцюарт.

У 2020 годзе камісія брытанскага парламента абвінаваціла ўрад у тым, што ён не правёў дбайнага расследавання магчымага ўмяшання Расіі ў рэферэндум. Яна таксама заклікала спецслужбы падрыхтаваць  і апублікаваць справаздачу па гэтай справе, аднак яна не прыйшла да высновы, што Масква паўплывала на вынікі галасавання.

Бернэм цяпер таксама папярэджвае выбаршчыкаў у Францыі і Германіі аб спробах замежных краін паўплываць на іхную ўнутраную палітыку.

IAR/аз