Аўстралійская авіякампанія Qantas была вымушаная адмяніць рэйс з Рыма ў Перт пасля таго, як на борце самалёта былі выяўленыя пасцельныя блашчыцы, паведамляе The Guardian.
Казуркі былі знойдзеныя ў пярэдняй частцы салона эканом-класа самалёта Boeing 787 Dreamliner падчас рэйса з Перта ў Рым. Пасля гэтага было прынятае рашэнне вывесці самалёт з эксплуатацыі для дэзынфекцыі пасля прыбыцці ў італьянскую сталіцу. У сувязі з гэтым зваротны рэйс у Перт быў адменены.
Авіялініі Qantas папрасілі ў пасажыраў прабачэнне «за прычыненыя нязручнасці».
Пасажырам, якія планавалі вылецець у Аўстралію адмененым рэйсам, было прадастаўленае жыллё, а таксама магчымасць перабраніравання білетаў на альтэрнатыўныя рэйсы.
Авіякампанія заявіла, што салоны яе самалётаў рэгулярна і дакладна праходзяць чыстку і дэзынфікуюцца кожныя 50 дзён у рамках стандартных прафілактычных прыборак.
вс