Вышэйшы суд Саудаўскай Аравіі выключыў збіццё бізуном з пераліку дапушчальных формаў пакарання, паведамляе «Корреспондент» са спасылкай на агенцтва Reuters.
Лупцоўку заменяць штрафамі або турэмным зняволеннем.
Такое рашэнне суда звязанае з рэформай у галіне правоў чалавека, якая праводзіцца ў краіне.
Лупцоўкай у Саудаўскай Аравіі каралі за розныя злачынствы: крадзяжы, падробку дакументаў, паклёп, публічнае ап'яненне і дамаганні. Прычым з-за адсутнасці кадыфікаванай сістэмы права асобныя суддзі інтэрпрэтавалі рэлігійныя тэксты і высоўвалі свае ўласныя прапановы па спосабах пакарання.
Адмену лупцоўкі і судовую рэформу ў цэлым прэзідэнт дзяржаўнай камісіі па правах чалавека Авад Алавад назваў важным крокам наперад у парадку дня ў галіне правоў чалавека ў Саудаўскай Аравіі.
Нагадаем, у мінулым годзе ў Саудаўскай Аравіі пашырылі правы жанчын. Саудаўскім жанчынам дазволілі падарожнічаць без апекуноў і самастойна рэгістраваць нованароджанае дзіця.
У 2018 годзе жанчыны ў Саудаўскай Аравіі атрымалі права самастойна вадзіць аўтамабіль.
вс