Паводле ўрадавай статыстыкі, у выніку пандэміі ў Іспаніі памерлі 26 834 чалавекі.
Нацыянальная жалоба, якая працягнецца да 4 чэрвеня, з’яўляецца самай доўгай у гісторыі іспанскай дэмакратыі. Яна закончыцца за тры дні да канца стану эпідэмічнай пагрозы, які Іспанія ўвяла ў палове сакавіка.
Іспанскія СМІ нагадваюць, што да гэтага часу самая доўгая нацыянальная жалоба была ўведзена пасля смерці маці караля Хуана Карласа ў студзені 2000 году. Яна працягвалася сем дзён.
У сваю чаргу тры дні працягвалася ў Іспаніі жалоба пасля тэрактаў у 2004 годзе ў Мадрыдзе, у якіх загінуў 191 чалавек.
Газеты «El Mundo» i «ABC» падкрэсліваюць, што, пасля апошняй карэкціроўкі Міністэрства здароўя Іспаніі, невядомая дакладная лічба ахвяр эпідэміі. Газеты нагадваюць, што з нядзелі на панядзелак міністэрства зменшыла колькасць смерцяў ажно на 1918.
Паводле афіцыйнай статыстыкі, да гэтага часу ад каранавіруса памерлі 26 834 чалавекі, а заражаныя – 235 400 чалавек.
ав