У Вашынгтоне і акрузе Калумбія на фоне хваляванняў была ўведзеная каменданцкая гадзіна, у горад таксама перакінутыя падраздзяленні Нацыянальнай гвардыі (армейскі рэзерв ЗША).
Дзясяткі гарадоў ЗША ахопленыя пратэстамі пасля беспарадкаў, якія пачаліся пасля смерці ў Мінеапалісе чорнага целаахоўніка Джорджа Флойда. Ён памёр пасля жорсткага затрымання паліцыяй. Пратэсты супраць самавольства паліцыі праходзяць у Лос-Анджэлесе, Сан-Францыска, Дэнверы, Нью-Ёрку, Індыянапалісе, Бостане, Дэтройце, многіх іншых гарадах ЗША і нават у канадскім Таронта.
У 25 гарадах ЗША ўведзеная каменданцкая гадзіна.