Еўрапейскі саюз працягнуў на год санкцыі супраць анексаванага Расіяй Крыма. Тыдзень таму згоду на гэта далі амбасадары членскіх краінаў. Цяпер рашэнне было афіцыйна пацверджанае. Санкцыі датычаць выключна тэрыторыі Крыма і Севастопаля. У сваю чаргу рашэнне аб прадаўжэнні эканамічных абмежаванняў супраць Расеі за агрэсію ва Украіне павінна быць прынятае падчас сённяшняга відэа-саміту еўрапейскіх лідараў.
Абмежаванні Еўрасаюза будуць дзейнічаць да 23 чэрвеня 2021 года. Яны датычаць забароны на імпарт паўвострава і інвестыцыі, напрыклад, у энергетычны, інфраструктурны і тэлекамунікацыйны сектары Крыма.
Кампаніі і грамадзяне ЕС не могуць прадастаўляць паслугаў у Крыме і купляць там нерухомасцяў. Санкцыі прадугледжваюць таксама забарону на продаж нафтавых і газавых тэхналогій.
Заява кіраўніка дыпламатыі ЕС некалькі дзён таму пацвердзіла, што Еўрапейскі Саюз не прызнае незаконнай анексіі Крыма і Севастопаля і асуджае парушэнне міжнароднага права Расіяй.
аз