Германія, Францыя ды Польшча прынялі сумесную заяву па Беларусі

Яны асудзілі фальсіфікацыю прэзідэнцкіх выбараў і тое, што пасля гэтага наступіла – гвалт карнікаў супраць мірных грамадзян.

Лагатып Веймарскага трыкутніка

фота: facebook.com/pg/Stowarzyszenie.Trojkat.Weimarski/community/

Германія, Францыя і Польшча афіцыйна не прызналі прэзідэнцкія выбары ў Беларусі і заклікалі правесці новыя.

Кіраўнікі МЗС краін Веймарскага трыкутніка выступілі з сумеснай заявай, у якой асудзілі фальсіфікацыю прэзідэнцкіх выбараў і тое, што пасля гэтага наступіла – гвалт карнікаў супраць мірных грамадзян Беларусі. «Нашыя краіны заклікаюць да новых свабодных і сумленных выбараў у адпаведнасці з міжнароднымі стандартамі ў прысутнасці назіральнікаў БДІПЧ АБСЕ», – гаворыцца ў заяве.

Міністры падтрымалі санкцыі ЕС супраць рэжыму Лукашэнкі, і выказалі гатовасць увесці новыя абмежаванні.

нг