Канцлерка Ангела Мэркель паабяцала Украіне падтрымку ў спрэчцы вакол газаправода Nord Stream 2. Падчас сустрэчы ў Берліне з прэзідэнтам Украіны Уладзімірам Зяленскім канцлерка Германіі пацвердзіла, што гарантуе транзіт газу праз Украіну, паведамляе energetyka24.com са спасылкай на тэлеканал ARD. Нагадваем, паводле Украіны, Nord Stream 2 з'яўляецца пагрозай для яе бяспекі.
«Германія і Францыя падтрымліваюць пазіцыю, што Украіна павінна заставацца транзітнай краінай для энергіі», – сказала Мэркель. Яна таксама дадала, што сур’ёзна ставіцца да засцярогаў Украіны.
Нагадваем, пытанне Nord Stream 2 будзе закранацца таксама падчас сённяшняй сустрэчы нямецкай канцлеркі з прэзідэнтам ЗША у Белым доме.
аз