Сёння Каталіцкі касцёл адзначае 107-ы Сусветны дзень мігранта і бежанца. Мэта свята – задумацца над лёсам людзей, якія былі вымушаныя пакінуць свае дамы з-за войнаў, пераследу або голаду, а таксама абудзіць пачуццё адказнасці за духоўную і матэрыяльную дапамогу іх.
Сусветны дзень мігранта і бежанца адзначаецца з 1914 года. Лозунгам сёлетняга з’яўляюцца словы: «Насустрач пастаянна растучаму «мы».
У сваім пасланні да 107-га Сусветнага дня мігранта і бежанца Папа рымскі Францішак напісаў, што «ўсе мы ў адной лодцы і пакліканы ўзяць на сябе абавязацельствы, каб нас больш не раздзялялі сцены, каб больш не было «іншых», а толькі адныя «мы», як ёсць адно чалавецтва».
Святы Айцец дадаў, што «сёння мы павінны навучыцца жыць разам у гармоніі і міры». Каб дасягнуць гэтага ідэалу, паводле папы Францішка, «ўсе павінны імкнуцца разбурыць сцены, якія нас раздзяляюць, і пабудаваць масты, якія спрыяюць развіццю культуры сустрэчы і ўсведамляюць глыбокія ўзаемныя сувязі, якія існуюць паміж намі».
IAR/аз