Былы прэзідэнт Францыі Нікаля Сарказі быў асуджаны на год пазбаўлення волі за незаконнае фінансаванне прэзідэнцкай кампаніі ў 2012 годзе. Пакаранне будзе замененае на хатні арышт з электронным бранзалетам. Крымінальны суд Парыжа таксама асудзіў 13 былых паплечнікаў Нікаля Сарказі.
Паводле суду Нікаля Сарказі ведаў аб фальшывых рахунках і дакументах, дзякуючы якім была фінансаваная ягоная прэзідэнцкая кампанія ў 2012 годзе. Палітык таксама ведаў, што ён перавысіў законны ліміт на кампанію на 16 мільёнаў еўра.
Гэта другі прысуд былому прэзідэнту Францыі. У сакавіку ён быў асуджаны за карупцыю. Нікаля Сарказі займаў пасаду прэзідэнта Францыі з 2007 па 2012 год. Палітык прайграў барацьбу за другі тэрмін сацыялісту Франсуа Аланду.
IAR/аз