У пятніцу Польшча праінфармуе Еўрасаюз пра апошнюю правакацыю на мяжы з Беларуссю. Гаворка ідзе пра ўварванне на тэрыторыю Польшчы людзей у форме з доўгай зброяй. Паводле Польскага радыё, пра гэта заўтра на сустрэчы з прадстаўнікамі краінаў-сябраў у Бруселі будзе пагаварыць амбасадар Польшчы пры ЕС Анджэй Садась.
Учора прэс-сакратар Еўракамісіі Петэр Стана заявіў, што гэта двухбаковае пытанне і камісія ўпэўненая, што польскія ўлады самі разбяруцца з гэтым інцыдэнтам. Пры гэтым ён дадаў, што калі гэтая інфармацыя пацвердзіцца, то гэта будзе чарговая правакацыя беларускага рэжыму супраць Еўрасаюза і яго краін-сябраў. Ён дадаў, што ўрады краін ЕС сочаць за сітуацыяй у Беларусі, інструментальным выкарыстоўваннем мігрантаў і іншымі варожымі дзеяннямі супраць Еўрасаюза і прымуць неабходныя рашэнні.
Нагадваем, праз больш за тыдзень павінны быць гатовыя новыя санкцыі ЕС супраць рэжыму ў Мінску за выкарыстанне міграцыі для дэстабілізацыі еўрапейскай супольнасці.
IAR/аз