У Херсоне выяўленая катоўня, у якой расіяне здзекаваліся над дзецьмі

Расіняе іх збівалі, пагражалі смерцю і кармілі толькі раз на дзень, трымаючы ў невыносных умовах.

Ілюстрацыя

PAP/Leszek Szymański

Украінскія вайскоўцы выявілі ў вызваленым Херсоне камеру, дзе расійскія акупанты трымалі непаўналетніх. «Гэта першы раз, калі мы фіксуем выпадак катаванняў дзяцей», – сказаў упаўнаважаны Вярхоўнай Рады Украіны па правах чалавека Дзмітрый Любінец. Групу ўкраінскіх хлопцаў расіяне затрымалі і пасадзілі за здымкі знішчанай тэхнікі расійскага войска. Украінскі журналіст Мсціслаў Чарноў запісаў выказванне аднаго з падлеткаў:

-Мы паехалі фатаграфаваць ваенную тэхніку, якую абстралялі ўкраінцы, і адправілі фота ў мэсанджар УС Украіны. Расіяне ўбачылі нас і праверылі тэлефоны, потым звязалі і павезлі ў Херсон. Нас там сядзела 12 чалавек. Кагосьці пасадзілі на месяц, кагосьці на тыдзень-тры.

Паводле сведчанняў падлеткаў, расіняе іх збівалі, пагражалі смерцю і кармілі толькі раз на дзень, трымаючы ў невыносных умовах. Увесь час свайго знаходжання ў няволі хлопцы чулі крыкі катаваных акупантамі мужчын і жанчын.

iar/эж