У Эстоніі чатыры пары ўступілі ў першыя ў краіне аднаполыя шлюбы, паведаміў у суботу тэлеканал ERR. Эстонія – другая пасля Славеніі краіна Цэнтральнай і Усходняй Еўропы, якая прыняла адпаведны закон.
З 1 студзеня ў Эстоніі дзейнічае легалізацыя аднаполых шлюбаў, а гэта значыць, што з гэтага дня пары могуць падаваць заявы на шлюб.
З пачатку года ў найбуйнейшых гарадах Эстоніі заявы на шлюб падалі каля 50 аднаполых пар.
Закон аб легалізацыі аднаполых шлюбаў эстонскі парламент прыняў мінулым летам.
Раней Закон аб зарэгістраваных партнёрствах прадугледжваў пэўныя прававыя гарантыі сужыцелям незалежна ад полу. Дзякуючы змене заканадаўства ў аднаполых пар з'явілася, у тым ліку, магчымасць сумеснага ўсынаўлення дзяцей, інфармуе Польскае агенцтва друку.
вс