У Міжнародны жаночы дзень нямецкая паліцыя правяла амаль паўсотні ператрусаў у мужчын, якія распальваюць нянавісць да жанчын у інтэрнэце. Справы перададзеныя ў пракуратуру.
Паліцыя даказала, што аўтары нянавісных каментароў і дыскрымінацыйных пастоў не застаюцца беспакаранымі ці ананімнымі. У адначасовай акцыі ўдзельнічалі афіцэры чатырнаццаці з шаснаццаці земляў Германіі.
Да адказнасці прыцягнутыя мужчыны, якія абражалі жанчын па гендарнай прыкмеце, рабілі сексуальныя прапановы незнаёмым жанчынам, усхвалялі згвалтаванні, перасылалі відэа і фатаграфіі пераследу жанчын, патрабавалі ад іх дасылаць распранутыя фота.
Паліцыя заходзіла ў кватэры, здымала лічбавыя доказы злачынстваў і правапарушэнняў і перадала справы ў пракуратуру.
Нямецкая паліцыя на працягу двух гадоў праводзіць спецыяльныя мерапрыемствы, накіраваныя на гэты від злачынстваў.
яс