Улады Румыніі не хочуць бачыць удзельнікаў з Расіі і Беларусі да штогадовай сесіі Парламенцкай асамблеі АБСЕ, якая пройдзе ў Румыніі з 29 чэрвеня па 3 ліпеня. Пра гэта паведаміў прэс-сакратар МЗС Румыніі Раду Філіп.
«Рашэнне румынскага боку грунтуецца на вядомай і паслядоўнай пазіцыі Румыніі ў дачыненні да Расійскай Федэрацыі ў кантэксце яе агрэсіўнай вайны супраць Украіны», – сказаў прэс-сакратар МЗС. Яго заяву цытавала News.ro.
«Рашэнне распаўсюджваецца на ўсіх членаў дэлегацыі – парламентарыяў і тэхнічны персанал», – дадаў Філіп. Рашэнне датычыць і дэлегацыі РБ.
«Рашэнне тычыцца і Беларусі, якая падтрымлівае вайну, развязаную Расіяй», – сказаў прэс-сакратар. У заяве адзначаецца, што некаторыя члены расійскай дэлегацыі падпадаюць пад абмежаванні ЕС.
PAP/нг