Забруджванне паветра з'яўляецца другой па значнасці прычынай смерці дзяцей у свеце пасля недаядання. Такія даныя прыводзяцца ў справаздачы Дзіцячага фонду ААН ЮНІСЕФ і Інстытута ўздзеяння на здароўе (Health Effects Institute).
Як гаворыцца ў дакладзе, дрэнная якасць паветра можа негатыўна адбіцца на здароўі дзіцяці ўжо ў перадродавы перыяд, падчас цяжарнасці.
У асаблівай групе рызыкі знаходзяцца дзеці да пяці гадоў. Паводле даных ЮНІСЕФ, у 2021 годзе ў выніку забруджвання паветра загінулі больш за 700 тысяч маленькіх дзяцей, галоўным чынам у краінах Азіі і Афрыкі.
Самая вялікая праблема там – забруджанае паветра ў памяшканнях. У асноўным гэта звязана з гатаваннем на адкрытым агні ў закрытых памяшканнях.
яс/IAR