Кожны з іх патрабуе па 150 000 еўра ў якасці кампенсацыі за прычыненую шкоду.
Мадэратары штодня праглядалі і цэнзуравалі графічныя матэрыялы – забойствы, згвалтаванні, самагубствы, дзіцячую парнаграфію. Як яны сцвярджаюць, без належнай падрыхтоўкі і псіхалагічнай падтрымкі. Цяпер гэтыя людзі скардзяцца на праблемы са здароўем: посттраўматычны сіндром, бессань, панічныя атакі, трывожнасць, у некаторых з іх з'яўляюцца суіцыдальныя думкі.
Нягледзячы на тое, што фармальна гэтыя людзі працавалі ў знешняй кампаніі, менавіта Meta вызначала ўмовы працы і мела поўны кантроль над іх задачамі. Супрацоўнікі сцвярджаюць, што кампанія ведала пра рызыкі, якім іх падвяргала, і не забяспечыла належнай абароны. Цяпер яны ў калектыўнай позве патрабуюць ад кампаніі Марка Цукерберга кампенсацыі ў памеры 150 000 еўра за сваю працу кожнаму.
У мінулым годзе іншы супрацоўнік кампаніі Meta падаў падобны пазоў у Барселоне. Справа пакуль не разглядалася.
IAR/вх