Навучанне пройдуць 22 500 чалавек, у тым ліку вучні 3-12 класаў, паведаміла Міністэрства абароны.
«Мы плануем, што да 2028 года 15 500 дарослых і 7000 дзяцей атрымаюць навыкі кіравання беспілотнікамі дзякуючы рэалізацыі праграмы навучання», – кажа міністр нацыянальнай абароны Давіле Сакаліене ў заяве Міністэрства абароны.
Міністр абвясціла, што першыя тры цэнтры адкрыюцца ў верасні.
Праект, які рэалізуецца ў супрацоўніцтве з Міністэрствам адукацыі, прадугледжвае прыцягненне самых малодшых вучняў, 3-4 класаў, да стварэння і пілатавання простых беспілотнікаў праз практычныя эксперыменты і гульні. Вучні старэйшых класаў навучацца праграмаваць і кіраваць беспілотнікамі FPV, а таксама збіраць іх з кампанентаў.
Навучанне будзе праводзіцца Літоўскай асацыяцыяй стралкоў сумесна з Літоўскім агенцтвам нефармальнай адукацыі, якое будзе навучаць дзяцей у пачатковых і сярэдніх школах.
Агульны аб'ём інвестыцый у праект складае больш за 3,3 мільёна еўра. Гэтае фінансаванне будзе выкарыстана на спецыялізаванае абсталяванне: сістэмы кіравання, сістэмы перадачы відэа, беспілотнікі FPV для выкарыстання ў памяшканнях і на вуліцы, праграмнае забеспячэнне і мабільную праграму для адукацыйных матэрыялаў.
ав