Блізкія адносіны Кітая з Расіяй ускладняюць магчымасць заключэння гандлёвага ды інвестыцыйнага пагаднення паміж Еўрасаюзам і Пекінам. Пра гэта заявіла кіраўніца МЗС Фінляндыі Эліна Валтанен. Паводле дыпламаткі, Расія апынулася ў залежным становішчы ад Кітая.
— Расія цяпер знаходзіцца ў залежнай пазіцыі ў адносінах да Кітая і не мае нічога, акрамя танных рэсурсаў, ад якіх Пекін атрымлівае выгаду.
У Пекіне такія ацэнкі адхілілі. Прадстаўнік МЗС КНР заклікаў фінскі бок «глядзець на развіццё адносін Кітая з іншымі краінамі рацыянальна і аб’ектыўна» і не палітызаваць гандаль.
Раней у ЕС абвінавачвалі Кітай у пастаўках Расіі тавараў падвойнага прызначэння, якія могуць выкарыстоўвацца і ў вайсковых мэтах.
Хоць у Германіі выказваюцца за паглыбленне гандлю з Кітаем, Еўракамісія пакуль ставіцца да такой ідэі стрымана.
pap/эж