Генеральны сакратар НАТА Марк Рутэ заявіў, што Альянс застаецца адзіным і гатовы абараняць кожную краіну-ўдзельніцу. Пра гэта палітык сказаў пасля сустрэчы міністраў замежных спраў Паўночнаатлантычнага альянсу ў шведскім Хельсінгбаргу.
— Я ведаю, што некаторыя ставяць пад сумнеў гэтую сувязь. А можа нават рашучасць Альянсу заставацца адзіным перад тварам пагрозы. Таму дазвольце сказаць ясна: абавязацельствы саюзнікаў паводле Артыкула 5 застаюцца непахіснымі. Наша рашучасць і здольнасць абараніць кожнага саюзніка — абсалютныя. Калі хтосьці будзе настолькі дурны, каб напасці на нас, адказ будзе разбуральным.
Паводле генсека НАТА, міністры таксама абмеркавалі павелічэнне вайсковых выдаткаў, развіццё абароннай прамысловасці і далейшую падтрымку Украіны. Асобнай тэмай стала бяспека суднаходства вакол Армузскага праліва.
iar/эж