Прэзідэнт Сербіі Аляксандар Вучыч пасля тэлефоннай размовы з дыктатарам Расіі Уладзімірам Пуціным заявіў, што разлічвае на працяг пагаднення аб пастаўках расійскага газу на льготных умовах.
— Я ўпэўнены, што з панядзелка пагадненне будзе працягнута, і мы па-ранейшаму зможам карыстацца добрай, нізкай цаной на газ, — сказаў Вучыч, удакладніўшы, што Сербія плаціць каля 318 еўра за тысячу кубаметраў супраць 868 еўра на еўрапейскім хабе TTF. — Падчас доўгай, гадзіннай размовы мы закранулі двухбаковыя адносіны, сітуацыю ў рэгіёне, канфлікт ва Украіне і іншыя важныя для Сербіі і Расіі пытанні, — дадаў сербскі лідар.
Аляксандр Вучыч таксама паведаміў Пуціну, што 27 верасня падае ў адстаўку з пасады прэзідэнта Сербіі. Пасля гэтага палітык мае намер удзельнічаць у кампаніі перад датэрміновымі парламенцкімі выбарамі, прызначанымі на 25 кастрычніка, як звычайны грамадзянін.
Сербія захоўвае цесныя адносіны з Масквой і не далучылася да санкцый супраць Расіі. Адначасова Бялград асуджаў расійскую агрэсію, аказваў гуманітарную дапамогу Кіеву і падтрымлівае тэрытарыяльную цэласнасць і суверэнітэт Украіны.
pap/эж