Расія перадала Паўночнай Карэі тэхналогію рэактыўных беспілотнікаў, паведаміў прэзідэнт Украіны Уладзімір Зяленскі. Гэта выклікала сур'ёзную заклапочанасць ва Усходняй Азіі, сярод дэмакратычных суседзяў камуністычнай дзяржавы.
Японскае інфармацыйнае агенцтва «Kyodo» ў сваёй карэспандэнцыі з Кіева піша пра асцярогі, што тэхналогія, «якая сее хаос ва Украіне, можа быць выкарыстана» супраць Японіі і іншых краін Усходняй Азіі.
Прэзідэнт Украіны папярэджвае, што гэта «вельмі небяспечны момант вайны для азіяцкіх краін, якія мяжуюць з Паўночнай Карэяй». Паўночнакарэйскіх салдат будуць навучаць у Расіі кіраванню беспілотнікамі і сістэмамi электрамагнітнага глушэння.
На мінулым тыдні Кіеў наведаў былы міністр абароны Японіі. Паводле звестак японскіх уладаў, ён абмяркоўваў, сярод іншага, сумесныя японска-ўкраінскія праекты па распрацоўцы тэхналогій барацьбы з беспілотнікамі.
Раскрыццё Кіевам інфармацыі аб перадачы тэхналогій супала з дыпламатычным крызісам у адносінах з Сеулам. Паўднёвая Карэя абвінаваціла Украіну ў парушэнні абяцання, датычнага перадачы паўночнакарэйскіх ваеннапалонных.
Інфармацыя, агучаная прэзідэнтам Уладзімірам Зяленскім падчас сустрэчы ААН, мела сакрэтны характар. Аналітыкі лічаць, што яе раскрыццё можа сурʼёзна перашкодзіць у спробах наладзіць дыялог паміж Сеулам і Пхеньянам.
IAR/аз