Сяргей Кузняцоў вырашыў маўчаць на працэсе, але праз сваіх абаронцаў паведаміў, што хоча, каб яго называлі поўным імем.
Кузняцова абараняюць тры адвакаты. На першым пасяджэнні яны патрабавалі спыніць суд, спасылаючыся на тое, што іх кліент падчас атакі на Nord Stream быў вайскоўцам украінскай арміі, тамуна яго распаўсюджваецца вайсковая таямніца і ён не можа даваць паказанні ў сваю абарону.
Гэта афіцыйная прычына маўчання ўкраінца. Сяргей Кузняцоў не гаворыць, але ягоны жэст шырока каментуюць СМІ. Увайшоўшы ў судовую залу, Кузняцоў адсалютаваў, але невядома каму — ці сімвалічна прысутным у аўдыторыі суайчыннікам, ці непасрэдна аднаму са сведкаў на працэсе, якім павінен быў быць украінскі афіцэр, прысланы Кіевам.
Былы вайсковец абвінавачваецца ў кіраўніцтве атакай на грамадзянскую інфраструктуру, разбурэнні эканамічна важнага аб'екта і саўдзеле ў ваенным злачынстве. Апошняе абвінавачванне звязана з тым, што нямецкая пракуратура ўказвае на датычнасць да атакі кіраўнікоў украінскай арміі. Аднак ні пракуратура, ні журналісцкія расследаванні не даказалі, што прэзідэнт Украіны Уладзімір Зяленскі ведаў пра атаку перад тым, як яна была здзейснена.
Суд запланаваў 24 дні працэсу да канца лютага.
IAR/яс