X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

10 кастрычніка 1939 года была падпісаная дамоўленасць аб перадачы Вільні Літве

10.10.2020 16:00
Кіраўніцтва БССР лічыла, што Вільня ўвойдзе ў склад савецкай Беларусі.
Аўдыё
  • 10 кастрычніка 1939 года была падпісаная дамоўленасць аб перадачы Вільні Літве.
     1939 .
Уваход савецкіх войскаў у Вільню 1939 г. Press Agency photographer - This is photograph HU 87199 from the collections of the Imperial War Museums.


Гэтая дамоўленасць стала працягам падпісанага 23 жніўня 1939 году сакрэтнага пратаколу паміж Германіяй і СССР аб размежаванні сфер агульных інтарэсаў. У артыкуле 1-м гэтага пратаколу гаварылася аб тым, што інтарэсы Літвы ў дачыненні да Віленьскай вобласці прызнаюцца абодвума бакамі.

У выніку падзелу Польшчы 18 верасня 1939 года савецкія войскі ўступілі ў Вільню. Трэба сказаць, што практычна 20 гадоў перад гэтым 9 кастрычніка 1920 году Вільня была занятая польскімі войскамі генерала Жэлігоўскага, і на працягу ўсяго гэтага часу ўваходзіла ў склад Польскай Рэспублікі.

Кіраўніцтва БССР лічыла, што Вільня ўвойдзе ў склад БССР. Была ўжо нават сфарміраваная беларуская часовая адміністрацыя горада.

10 кастрычніка 1939 году быў падпісаны дагавор паміж Літвой і СССР, які так і называўся “Дагавор аб перадачы Літоўскай Рэспубліцы горада Вільня і Віленскай вобласці, і аб узаемадапамозе паміж Савецкім Саюзам і Літвой”.
Безумоўна, перадача Вільні Літве не быў гэта альтруістычны крок з боку Сталіна. Гэта было зроблена, па-першае, дзеля таго, каб прывязаць Літву да СССР. Гэта нават было прапісана ў першым артыкуле дагавору: “У мэтах замацавання сяброўства паміж СССР і Літвой, горад Вільня і Віленская вобласць перадаюцца Савецкім Саюзам Літоўскай Рэспубліцы, з уключэннем іх у склад дзяржаўнай тэрыторыі Літвы”.

Па-другое, каб паменшыць негатыўнае рэха нападу на Польшчу і паказаць свету, што СССР дзейнічаў таксама ў інтарэсах іншых народаў, якія не ўваходзілі ў ягоны склад, а менавіта ў інтарэсах Літвы. Так аб гэтым казала савецкая прапаганда: “У дагаворы з Літвой Савецкі Саюз праявіў сябе як сапраўдны сябра літоўскага народу, вярнуўшы яму ягоную старую сталіцу – горад Вільню, якая была захоплена бандыцкім налётам польскай ваеншчыны”.

Па сутнасці, Літва, як і іншыя прыбалтыйскія дзяржавы, была вымушана падпісаць гэтую дамоўленасць. 3-а кастрычніка 1939 г. падчас перамоваў Молатаў наўпрост сказаў, што Літва, па дамоўленасці з Германіяй, увайшла ў сферу інтарэсаў СССР і, што яе нейтралітэту недастаткова, і яна абавязана падпісаць дагавор сяброўства з СССР.
У адпаведнасці з дагаворам, Літва пагаджалася на дыслакацыю на яе тэрыторыі савецкага вайсковага кантынгенту ў складзе 20 тысяч чалавек, нібыта, патрэбнага для абароны інтарэсаў Літвы.

На пачатку літоўцы хацелі адмовіцца ад размяшчэння савецкіх войскаў на сваёй тэрыторыі, баючыся наступстваў, але Сталін у адказ паабяцаў перадаць Вільню БССР, а ў дадатак, у баявую гатоўнасць былі пастаўлены савецкія войскі. Кіраўніцтва Літвы апынулася ў бязвыхаднай сітуацыі і падпісала дагавор.
Ужо 18 лістапада ў Вільню ўвайшлі літоўскія войскі, а ўлетку 1940 года, пасля таго, як Літва ўвайшла ў склад СССР, горад стаў яе сталіцай.

Варта зазначыць, што ў выніку ўваходу Літвы ў СССР, новай савецкай рэспубліцы былі перададзены часткі БССР. 1-2 кастрычніка 1940 году Літве былі перададзены курорт Друскенікі, Свянцяны і чыгуначная станцыя Гадуцішкі з навакольнымі вёскамі.

Павал Усаў

Больш на гэтую тэму: Лісток каляндара