X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Сёння адзначаецца Сусветны місійны дзень

18.10.2020 11:12
Ён быў заснаваны 14 красавіка 1926 году Папам рымскім Піям XI.
ПАР PAP/EPA/KIM LUDBROOK

Ва ўсім свеце яго адзначаюць у перадапошнюю нядзелю кастрычніка. У Польшчы ён пачынае Місійны тыдзень.

«Вось я, пашлі мяне» – гэта дэвіз сёлетняга Сусветнага дня місіі, вядомага як Місійная нядзеля.

«Асноўныя мэты Місійнай нядзелі і Місійнага тыдня – маліцца, каб Валадарства Езуса распаўсюдзілася па свеце, пазнаёміцца з місіянерскай дзейнасцю Касцёла і дзейнасцю Папскай справы па распаўсюджванні веры і жыццём яе заснавальніцы Паліны Ярыкот, а таксама ажывіць місіянерскі дух і аказаць матэрыяльную падтрымку місіі», – сказаў дырэктар Папскай місійнай справы ў Польшчы ксёндз Томаш Атлас.

З нагоды Сусветнага дня місіі ўжо гадамі Папа рымскі рыхтуе спецыяльны зварот. У гэтым годзе Францішак заклікае, каб у цяжкім часе пандэміі не спыняцца ў развіцці місійнай справы Касцёла, паколькі ізаляцыя ўсведамляе ўсім, як вельмі патрэбныя міжлюдскія сувязі і што ёсць дасканалая нагода, каб гэтыя сувязі будаваць і паглыбляць.

Акрамя малітоўнай падтрымкі, у храмах збіраюць матэрыяльныя ахвяраванні на місіі. Грошы сабраныя ў мінулым годзе дазволілі рэалізаваць 58 праектаў. Паводле падлікаў, дапамога Папскай місійнай справы трапляе да 600 млн католікаў.

Польскія місіянеры нягледзячы на пагрозы і цяжкасці дапамагаюць самым бедным жыхарам Афрыкі і Мадагаскару, Азіі і Акіяніі, Паўднёвай і Цэнтральнай Амерыкі. Разам з пандэміяй каранавіруса тысячы людзей страцілі магчымасці зарабляць, перамяшчацца, павялічылі колькасць хваробаў і ўзмацнілі голад.

Дырэктар місіянерскага цэнтру «Ad Gentes» ксёндз Збігнеў Сабалеўскі падкрэслівае, што акцыя дапамогі самым бедным жыхарам місійных краін з’яўляецца для іх вялікай падтрымкай:

-Для найбольш патрабуючых. У дадзены момант у многіх місійных краінах пануе вельмі цяжкая матэрыяльная сітуацыя, але таксама санітарная. Нягледзячы на пагрозу ўласнаму жыццю і здароўю місіянеры і місіянеркі з Польшчы вядуць цэнтры здароўя, апекуюцца дзецьмі і старэйшымі, інвалідамі, дапамагаюць самым бедным сем’ям.

Ксёндз Сабалеўскі дадае, што кожны можа далучыцца да падтрымкі місійнай справы.

Місіянерка, якая працуе ў шпіталі на поўначы Тога (Заходняя Афрыка), сястра Карнэлія дзякуе за падтрымку і далейшую дапамогу:

-Дзякуючы вашай дапамозе мы можам дапамагчы нашым пацыентам і тым, хто да нас прыходзіць, раздаючы муку з кукурузы і соі. Гэта дзякуючы вашым ахвяраванням мы маглі ўсё гэта купіць і раздаваць людзям у патрэбе.

Кс. Томаш Качар, святар Тарнаўскай дыяцэзіі, які працуе ў Балівіі, расказаў, што натуральна місіянеры просяць маліцца за іх справу. Але з нагоды Місійнай нядзелі місіянеры звяртаюцца і за матэрыяльнай дапамогай, бо без яе іх служба была б немагчымай. «Перш чым пачаць размову пра Бога, трэба спачатку накарміць людзей, бо яны не змогуць засяродзіцца на тым, што мы ім гаворым. Балівія з'яўляецца адной з самых бедных краін Паўднёвай Амерыкі», – падкрэсліў місіянер.

ав

Больш на гэтую тэму: Багацце веры