X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Не стала вядомага польскага акцёра Войцеха Пшоняка

24.10.2020 14:33
У 1990 годзе ён быў прызнаны найлепшым польскім драматычным акцёрам.
Аўдыё
  • За ўсё творчае жыццё Войцех Пшоняк выканаў больш за 100 роляў у фільмах і серыялах, шмат іграў у тэатры
Wojciech Pszoniak, fot. Wojciech DoroszPolskie Radio
Wojciech Pszoniak, fot. Wojciech Dorosz/Polskie RadioWojciech Dorosz/Polskie Radio

На гэтым тыдні свет культуры пачуў сумную навіну – не стала вядомага польскага акцёра тэатра і кіно Войцеха Пшоняка. Пра яго смерць шырока таксама паведамлялі французскія СМІ, таму што Пшоняк быў вядомым у Францыі акцёрам.

Войцех Пшоняк памёр у выніку анкалагічнага захворвання на 78 годзе жыцця. Нарадзіўся акцёр вясной 1942 года ў Львове. Пад канец вайны яго сям’я пакінула Львоў і пераехала ў Польшчу, у Сілезію. Юнацкія гады і маладосць Войцех Пшоняк правёў у горадзе Глівіцы. У 1968 годзе закончыў Кракаўскую дзяржаўную вышэйшую тэатральную школу. З 1974 да 1980 года быў выкладчыкам варшаўскай тэатральнай школы. Тады выступаў на сцэне Кракаўскага Старога тэатру, а таксама варшаўскіх Нацыянальнага і Усеагульнага тэатраў.

У 1990 годзе тагачасныя найстарэйшыя акцёры прызналі Войцеха Пшоняка, разам з Пятром Франчэўскім і Анджэем Сэвэрынам, найлепшым польскім драматычным акцёрам пасля 1965 года.

На пачатку 1980-х гадоў акцёр пераехаў у Францыю, дзе служыў у тэатрах Парыжа. За ўсю кар’еру ён зняўся ў дзясятках фільмаў польскіх і замежных рэжысёраў, быў адным з любімых акцёраў Анджэя Вайды. Акрамя таго, акцёр іграў у тэатрах Лондана, таму смела можна сказаць, што Пшоняк – еўрапейскі артыст.

У 2019 годзе Войцех Пшоняк адзначыў 50-годдзе творчай працы. У студыі Другога каналу Польскага радыё яму задалі пытанне, ці есць розніца ў тым, калі ён выходзіў на сцэну 50 гадоў таму, і цяпер? Розніцы я не бачу, сказаў вялікі акцёр.

- Адчуванне такое ж самае. Эмоцыі крыху іншыя, але я не бачу розніцы ўва мне цяпер, калі стаю на сцэне, і калі стаяў на сцэне тады альбо 20 ці 30 гадоў таму. І гэта добра, таму што ў іншым выпадку я б не вытрымаў 50-і гадоў на сцэне, таму што я заўсёды хваляваўся – я акцёр, які хвалюецца. Адначасова ў мяне ніколі не было адчування руціны, таму што я стараўся іграць розныя ролі, але пры гэтым да кожнай ролі падыходзіў як да нейкай дарагой інвестыцыі. Многія ролі былі вельмі цяжкія ў эмацыйным плане. Але я заўсёды стараўся быць энтузіястам і аптымістам, таму не бачу розніцы ў маім падыходзе да творчасці цяпер і тады.

Дарэчы, дэбют Войцеха Пшоняка на тэлеэкране меў месца ў 1965 годзе, прычым гэта быў балгарскі серыял. У польскім фільме ўпершыню выступіў у 1970 годзе – гэта быў фільм пад назвай «Твар анёла».

Увогуле за ўсё творчае жыццё ён выканаў больш за 100 роляў у фільмах і серыялах, працаваў з польскімі, французскімі і еўрапейскімі рэжысёрамі, у тым ліку з такімі славутасцямі, як Фолькер Шлёндорф, Анджэй Вайда, Кшыштаф Занусі і Агнешка Холанд.
Дарэчы, Войцех Пшоняк быў частым госцем у будынку Польскага радыё, таму што шмат таксама іграў у радыёспектаклях.

У 2018 годзе падчас інтэрв’ю на Польскім радыё акцёр сказаў, што калі б цяпер выбіраў прафесію, то выбраў цырк, і найахвотней хацеў бы быць клоўнам. Хоць у фільмах і на сцэне акцёр выконваў перш за ўсё складаныя, драматычныя ролі.

Валеры Саўко

на фота: Войцех Пшоняк у студыі Польскага радыё. Чэрвень 2020 года 

на відэа: фрагмен фільма «Зямля абетаванная» Анджэя Вайды, які прынёс артысту вядомасць

слухайце аўдыёфайл

Больш на гэтую тэму: Машына часу