X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Культаваму польскаму аўтамабілю споўнілася 53 гады

12.12.2020 06:58
Агулам было выпушчана 1 млн 445 тыс. 699 экзэмпляраў розных версій і мадыфікацый Фіята-125П.
Аўдыё
  • Культаваму польскаму аўтамабілю споўнілася 53 гады
Fiat 125p
Fiat 125p/Grzegorz Czapski/ shutterstock

Нядаўна культавы польскі аўтамабіль адзначыў сваю чарговую гадавіну: 28 лістапада споўнілася 53 гады Фіяту-125П. Гэтае легендарнае аўто, якое ў даўнія часы было марай многіх палякаў, і цяпер карыстаецца немалым зацікаўленнем сярод аўтааматараў.
28 лістапада 1967 года з канвеера Варшаўскага завода легкавых аўтамабіляў сышоў першы Фіят-125П. Літара «П» у назве азначае «польскі», таму што першапачаткова гэта была італьянская канструкцыя.

Да 1960-х гадоў на вуліцах польскіх гарадоў і сёлаў, калі казаць пра айчынныя аўтамабілі, можна было сустрэць выключна машыны «Варшава» і «Сырэна». Тады ўлады ПНР вырашылі, што прыйшоў час на новы сучасны аўтамабіль. І так, у 1965 годзе Варшава падпісала з італьянскім «Фіятам» пагадненне аб ліцэнзійнай вытворчасці 125-й мадэлі, якая ў тыя часы была адным з сучасных еўрапейскіх аўтамабіляў.


Polski Fiat 125p Polski Fiat 125p

З часам польскія інжынеры ўвялі свае элементы ў канструкцыю. Дарэчы, амаль на самым пачатку прыйшлося ўзмацніць алейны паддон. Справа ў тым, што пазнаёміцца з новай машынай прыехаў тагачасны прэм'ер-міністр Польшчы Юзэф Цыранкевіч, які, дарэчы, быў аўтааматарам і сам любіў кіраваць аўтамабілямі. Прычым, як згадваюць сучаснікі, любіў ён пракаціцца з вецярком. І вось, Цыранкевіч сеў за руль новага «Фіята» і здарылася паломка, згадваў праз гады Эдвард Петшак, шматгадовы дырэктар варшаўскага завода.

- У нас была выпрабавальная траса, і ён некалькі разоў праехаў па гэтай трасе ды зачапіў за алейны паддон, які трэснуў.

Фіят-125П быў даступны не толькі ў Польшчы, але і ў іншых краінах. Найбольш на экспарт было пастаўлена ў Югаславію. Таксама варшаўскае прадпрыемства прадавала свае аўто ў Чэхаславакію, Венгрыю і іншыя краіны сацлагера. Больш за тое, польскую машыну можна было ўбачыць і ў капіталістычных дзяржавах: 50 тыс. аўтамабіляў было пастаўлена ў Вялікабрытанію.

У Вялікабрытаніі і Ірландыі (дзе ён быў даступны з правым рулём з 1975 года) Фіят-125П быў самым танным аўтамабілем на рынку – коштам усяго каля 3 тыс. фунтаў у 1991 годзе. Ён быў добра вядомы за свой стыль 1960-х гадоў, а таксама трывалыя і зручныя сядзення, абабітыя штучнай скурай. Тэхнічна машына была трывалай і надзейнай. Мінусам быў кузаў аўтамабіля, які вырабляўся з вельмі няякаснай сталі і быў надзвычай схільны да іржы.
У Польшчы аўтамабіль быў вельмі папулярны сярод таксістаў. Дарэчы, з-за вуглаватай формы палякі называлі яго пяшчотна «камодам» альбо менавіта «вуглом».

У 1983 годзе, калі закончылася італьянская ліцэнзія на вытворчасць аўтамабіля, ён выпускаўся пад назвай FSO (Fabryka Samochodów Osobowych) – гэта абрэвіятура назвы варшаўскага аўтазавода.

Пачынаючы з 28 лістапада 1967 года, калі завод пакінуў першы экзэмпляр, да 29 чэрвеня 1991 года, калі закончылася вытворчасць аўто, было выпушчана 1 млн 445 тыс. 699 экзэмпляраў розных версій і мадыфікацый машыны.

Валеры Саўко

слухайце аўдыёфайл

Больш на гэтую тэму: Машына часу