X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

«Палякі выратавалі мяне!»

08.04.2021 11:04
У Ізраілі адзначаюць  Дзень памяці ахвяр Халакоста.
    a.   -.
Дзень памяці Катастрофы і гераізмa. Інстытут Яд ва-Шэм. PAP/EPA/ABIR SULTAN

Я стараюся, каб мае негатыўныя ўспаміны не балелі мяне занадта. Я вельмі ўдзячная палякам і Польшчы, бо гэта палякі мяне выратавалі, кажа ў размове з PAP Галіна Фрыдман, якая выжыла Халакост. З серады да чацвярга ўвечары ў Ізраілі адзначаюць  Дзень памяці ахвяр Халакоста, нагадвае старонка wgospodarce.pl.

„Гэта балючыя ўспаміны. Гэта сумны дзень для мяне - дзень маіх успамінаў і ўспамінаў усіх нас, пра шэсць мільёнаў габрэяў, якія загінулі ў Халакосце”, - кажа 88-гадовая польская габрэйка, якая з 1950-х гадоў пражывае ў Ізраілі.

Падчас цырымоніі, арганізаванай Інстытутам Яд ва-Шэм у Іерусаліме, у сераду ўвечары яна запаліла адну з шасці паходняў - сімвалаў шасці мільёнаў ахвяр Халакоста.

„Гэта, вядома, балючыя ўспаміны. Мы былі ў Ваверы пад Варшавай. Калі падчас Варшаўскага паўстання немцы бамбілі сталіцу, мы нават не маглі выйсці, каб купіць што-небудзь з'есці. Тэрэза Казьмінска падкрадалася і прыносіла нам хлеб два-тры разы на тыдзень, каб мы не памерлі з голаду”, - успамінае Галіна Фрыдман.

„На жаль, у мяне больш няма нагоды размаўляць па-польску, бо ўсе памерлі”, - прызнае жанчына. Ежы Казьмінскі і яго мачыха Тэрэза выратавалі таксама бацьку, цётку, дзядзьку, стрыечнага брата і брата маці Галіны Фрыдман. У 1965 годзе Ежы і Тэрэза Казьміньскія былі прызнаны Праведнікамі народаў свету.

Нагадваем, сусветная ініцыятыва Інстытута Яд ва-Шэм па прызнанні звання Праведніка народаў свету тым, хто дапамагаў габрэям падчас вайны стартавала ў 1963 годзе. З таго часу ў гонар герояў былі пасаджаны тысячы аліўкавых дрэў.

Людзі, прызнаныя Праведнікамі народаў свету, атрымліваюць медаль і дыплом, а іх імёны ўвекавечаны на Сцяне Праведнікаў. На медалі змешчаны сказ з Талмуда: „Хто ратуе адно жыццё, ратуе ўвесь свет”. З сярэдзіны 1990-х гадоў з-за недахопу месца ў Садзе інстытута дрэў больш не высаджваюць.

Да 1 студзеня 2020 года званне Праведнік народаў свету атрымалі агулам 27 712 герояў, якія дапамагалі габрэям падчас Другой сусветнай вайны, у тым ліку найбольш палякаў – 7 112.

аз