X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Бацькі Рамана Пратасевіча надалей няшмат ведаюць пра сына

10.06.2021 10:52
Улады Беларусі паспяхова ўскладняюць кантакт з палітвязнямі.
      .
Улады Беларусі паспяхова ўскладняюць кантакт з палітвязнямі.PAP/EPA/MARTIN DIVISEK

Тым часам бацькі Рамага Пратасевіча надалей няшмат ведаюць пра лёс сына, паколькі ўлады Беларусі паспяхова ўскладняюць кантакт з палітвязнямі, нагадвае Вікторыя Бяляшын у выданні Gazeta Wyborcza.

«Мы не ведаем, што адбываецца. Адвакатка сына дала падпіску аб неразгалошванні і не можа паведаміць нам пра падрабязнасці працэсу і расследавання. Нават пра тое, па якіх артыкулах абвінавачваюць Рамана», – кажа бацька блогера Дзмітрый Пратасевіч.

Паводле інфармацыі адвакаткі Інэсы Аленскай, Пратасевіч нядаўна пакутаваў ад вострага фарынгіта. Як яго лячылі, невядома. Вядома толькі, што Рамана пастаянна дапытваюць – па сем гадзін у дзень. Адміністрацыя турмы таксама не прымае перадачаў для яго, у тым ліку, кніг і грошай, каб ён мог кіпіць неабходныя рэчы ў турэмнай краме.

Бацькі блогера таксама ведаюць, што Рамана, хутчэй за ўсё, катавалі ў арышце КДБ, пра што сведчаць сляды збіцця, здушэння і сляды кайданак на рухах. Яны бачныя на запісах інтэрв’ю, якое апублікавалі беларускія службы і прапагандысцкае тэлебачанне АНТ.

Нагадваем, у згаданым інтэрв’ю блогер «прызнае» сваю віну, хваліць Лукашэнку і «раскрывае» закуліссе працы рэдакцыі канала Nexta і апазіцыі. Бацькі Пратасевіча перакананыя, што сына прымусілі даць такія паказанні. «Я ведаючы майго сына, я магу сказаць, што гэта не Раман гаворыць, ён кажа чужыя словы», – кажа бацька Пратасевіча.

З-за «паказанняў» Рамана з Беларусі былі прымушаныя з’ехаць некалькі чалавек, у тым ліку палітолаг Арцём Шрайбман. Незалежны аглядальнік беларускай палітычнай сцэны заяўляе, што не мае прэтэнзіяў да Рамана.

«Я не маю прэтэнзіяў да Рамана, што ён так перабольшыў маю ролю. Я нават не магу ўявіць сябе, што адбываецца ў падвалах КДБ; які быў бы лёс дзяўчыны Рамана ў выпадку адмовы даць гэтае інтэрв'ю. Закладнікаў не судзяць», – падкрэсліў Шрайбман.

Рамана Пратасевіча абараняе і яго партнёрка Сафія Сапега – грамадзянка Расіі, таксама арыштаваная службамі КДБ у Мінску. У першым лісце, які здолела перадаць бацькам, дзяўчына просіць, каб ніхто не вінаваціў Пратасевіча ў тым, што здарылася.

«Калі ласка, не вінаваціце Рому ў тым, што здарылася. Ён абараняў мяне і клапаціўся пра мяне, як мог», – напісала 23-гадовая расіянка. Маці Сафіі Сапегі Ганна Дудзіч, паведаміла, што з моманту затрымання консулу дазволілі толькі адзін раз наведваў ейную дачку. Беларускія ўлады таксама ўскладняюць ёй кансультацыю з адвакатам.

Gazeta Wyborcza нагадвае, што Рамана Пратасевіча і Сафію Сапегу беларускі рэжым абвінавачвае ў экстрэмізме і арганізацыі масавых беспарадкаў, за што ім пагражае да 15 гадоў турмы.

аз