Польскі ўрад абвяшчае «Новую міграцыйную палітыку». – На працягу многіх гадоў Польшча не выкарыстоўвае патэнцыял, які можа ўзнікнуць у сувязі з укладам замежнікаў у развіццё польскай эканомікі, – кажа эксперт Business Centre Club Міхал Выслоцкі. Змены неабходныя, піша эканамічны партал money.pl.
-У першую чаргу трэба выправіць працэдурныя пытанні. Бюракратыя, складаныя працэсы фармалізацыі, зацяжныя тэрміны азначаюць, што многія замежнікі вырашаюць працаваць нелегальна, – кажа дырэктар фірмы HR Sedlak & Sedlak Казімеж Седлак.
Урад абвясціў, што ў III квартале хоча прыняць доўгачаканы працадаўцамі дакумент «Міграцыйная палітыка Польшчы – напрамкі дзеянняў 2021-2022». Ён павінен паказаць кірункі рэформаў, якія павінны змяніць рынак працы і адаптаваць яго да занятасці і пражывання замежнікаў.
Што зменіцца? Карыснай будзе алічбоўка патоку дакументаў, звязаных з візай, і стварэнне «хуткіх шляхоў» для выбраных прафесійных груп. Для паскарэння працэдураў дазволы на працу павінны выдаваць бюро працы ў паветах замест ваяводскіх упраўленняў.
Урад таксама хоча мець партал для абмену ведамі аб візавых працэдурах. У планах таксама стварэнне спецыяльнага офіса, які будзе строга займацца выдачай дазволаў на пастаяннае пражыванне.
Для чаго гэта ўсё? Партал money.pl піша, што на карту пастаўлена гульня за супрацоўніка, асабліва з Усходу. Іх хочуць не толькі польскія працадаўцы, але і нямецкія, і французскія. Таму Польшча павінна змагацца за тое, каб украінцы альбо беларусы абралі менавіта яе.
ав