X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

2 млн палякаў гатовы стаць донарамі касцявога мозгу

13.10.2021 14:37
У Польшчы кожныя 40 хвілін хтосьці даведаецца, што ў яго рак крыві ці іншае захворванне крывятворнай сістэмы.
Аўдыё
  • Нацыянальны рэестр Poltransplant займае трэцяе месца ў Еўропе і пятае месца ў свеце па колькасці зарэгістраваных патэнцыйных донараў.
Zdjęcie ilustracyjne
Zdjęcie ilustracyjneFoto: shutterstock.com/Terelyuk

13 кастрычніка ў Польшчы адзначацца Дзень донарства касцявога мозгу і лячэння рака крыві. Памятны дзень, прысвечаны, донарам касцявога мозгу ўпершыню прайшоў у Польшчы ў 2002 годзе. У гэты дзень адбываюцца сустрэчы з людзьмі, якія ахвяравалі касцявы мозг і крывятворныя клеткі, каб даць шанец хворым ачуняць. З гэтай нагоды мы таксама вырашылі звярнуцца да гэтай тэмы.

У Польшчы кожныя 40 хвілін хтосьці даведаецца, што ў яго рак крыві ці іншае захворванне крывятворнай сістэмы. Для многіх з гэтых людзей адзіным шанцам на выратаванне з'яўляецца перасадка. Аднак кожны пяты не знаходзіць свайго «генетычнага блізнюка». Гэтыя пацыенты могуць разлічваць на донарскі матэрыял, які знаходзіцца ў банках донараў касцявога мозгу, – тлумачыць прафесар Себасцьян Гібель з Нацыянальнага інстытуту анкалогіі ў горадзе Глівіцэ, што ў Сілезіі:

-Для вялікай колькасці хворых, для большасці хворых адзіным шанцам на вылячэнне зʼяўляецца трансплантацыя крывятворных калетах ад донара да пацыента. Трансплантацыя палягае на тым, што здаровыя клеткі ад донара прымуцца ў рэцыпіента і падавяць хворыя клеткі.

Нацыянальны рэестр Poltransplant займае трэцяе месца ў Еўропе і пятае месца ў свеце па колькасці зарэгістраваных патэнцыйных донараў. Там утрымліваюцца імёны каля 2 млн патэнцыйных донараў касцявога мозгу, з якіх больш за дзевяць з паловай тысяч чалавек ужо сталі фактычнымі донарамі. Кожны дзень палякі паказваюць, што ў іх вялікія сэрцы. Прафесар Себасцьян Гібель кажа, што ў гэтым плане Польшчы пашанцавала:

-У выпадку пошукаў донараў касцявога мозгу ў Польшчы, сітуацыя выглядае добра. Дзякуючы, гэтым двум мільёнам зарэгістраваных патэнцыйных донараў, шанец знайсці ўласцівага складае каля 2/3 і зʼяўляецца, калі не самым вялікім, то адным з самых вялікіх у свеце.

Фонд DKMS рэгіструе патэнцыйных донараў касцявога мозгу, дапамагае пацыентам, якія пакутуюць ад раку крыві, якія атрымалі права на перасадку касцявога мозгу ад донара, які не зʼяўляецца сваяком хворага. Місія і мэта Фонда DKMS – гэта пошук донара для кожнага пацыента, які мае патрэбу ў перасадцы касцявога мозгу.
Прадстаўніца фонду Рэната Рафа кажа, што за апошняе дзесяцігоддзе веды палякаў на тэму донарства касцявога мозгу значна палепшыліся:

-Калі ў 2008 годзе фонд DKMS распачаў працу ў Польшчы, кожны другі чалавек, які атрымаў права на перасадку касцявога мозгу, не знаходзіў свайго «генетычнага блізнюка». Сёння гэтая праблема закранае кожнага пятага пацыента. Гэтая статыстыка па-ранейшаму паказвае, што ёсць шмат працы. Мы хацелі б, каб кожны, хто мае патрэбу ў касцяным мозгу, мог знайсці свайго донара.

Доктар Гжэгаш Хэнслер, які супрацоўнічае з Фондам DKMS, кажа, што дагэтуль на тэму перасадкі касцявога мозгу існуе шмат непраўдзівых міфаў:

-Міфы аб донарстве не змяняюцца гадамі. На мой погляд, гэта барацьба з ветракамі. Цяжка паверыць, што ў XXI стагоддзі, калі доступ да інфармацыі настолькі просты, так шмат людзей ідэнтыфікуюць збор касцявога мозгу з функцыяй хрыбет, упарта сцвярджаючы, што касцявы мозг бярэцца менавіта з яго. Яшчэ больш за трыццаць адсоткаў людзей паказваюць, што хрыбет зʼяўляецца адным з месцаў збору касцявога мозгу. Яшчэ адзін міф, які мы часта чуем, заключаецца ў тым, што калі мы возьмем клеткі ў донара, яны ў яго скончацца. Ёсць таксама тыя, хто кажа, што працэдура павялічвае рызыку развіцця лейкеміі ў донара і, акрамя таго, балючая і небяспечная. Вядома, усё гэта няпраўда. Што дзіўна, многія адзначаюць, што згодныя на працэдуру ў выпадку роднага, ці знаёмага чалавека, аднак адмаўляюцца ад яе ў выпадку незнаёмага.

Агнешка Зелёнка з Фонду DKMS пералічыла ў размове з намі сапраўдныя ўмовы, якім павінен адпавядаць патэнцыйны донар касцявога мозгу:

-Гэта можна зрабіць вельмі проста. Донарам можа стаць кожны здаровы чалавек ва ўзросце 18-55 гадоў, індэкс масы цела якога не перакрочвае 40. І на самой справе гэта ўсе асноўныя ўмовы, якім павінен адпавядаць патэнцыйны донар касцявога мозгу. У выпадку, калі патэнцыйны донар мае нейкія хваробы, лекары вывучаць магчымасць перасадкі. У Фондзе DKMS дзяжураць лекары, якія пасля вывучэння гісторыі хваробы донара, прыходзяць да высновы можа ён удзельнічаць у перасадцы, ці не.

Як бачым, стаць сапраўдным героем можа кожны. Каб выратаваць жыццё чалавека, дастаткова падзяліцца сваімі крывятворнымі клеткамі, якія ў здаровым арганізме імкліва аднаўляюцца.

Слухайце аўдыё!

эж