X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Адваката палітвязняў Бабарыкі, Ціханоўскага і Дзядка адхілілі ад працы

13.10.2021 17:26
  Пазбаўленне адвакатаў ліцэнзій – рэпрэсіўны механізм, якім беларускія ўлады карыстаюцца не першы год.
Аўдыё
Адвакат Наталля МацкевічФота з адкрытых крыніц

Адваката Наталлю Мацкевіч адхілілі ад працы, супраць яе ў Мінюсце Беларусі распачалі дысцыплінарную вытворчасць. Наталля Мацкевіч абараняе палітвязняў Віктара Бабарыку, Сяргея Ціханоўскага і Мікалая Дзядка. Наталля Мацкевіч працуе ў Мінскай гарадской калегіі адвакатаў. Цяпер ідзе судовы працэс у Гомелі над Ціханоўскім, Мікалай Дзядок знаходзіцца ў СІЗА пад следствам.

Аляксандр Дзядок, бацька Мікалая Дзядка, гаворыць, што сітуацыя складаная для яго сына, бо той другі раз застаецца без абароны і, па сутнасці, сувязі з роднымі. Родныя будуць цяпер шукаць новага адваката, які возьмецца за справу.

– Мы атрымалі ад адваката Мацкевіч афіцыйнае паведамленне, бо яна абаронца сына па справе. Яна нам паведаміла, што ў адносінах да яе ўзбуджана дысцыплінарная вытворчасць, яна адхіленая ад працы і далей у працэсе не зможа ўдзельнічаць. Самае кепскае, што дасудовае разбіральніцтва не скончана. Прызначаная экспертыза, але заключэння эксперта няма. І дэ-факта ў сярэдзіне дасудовага разбіральніцтва сын застаўся без абароны. Парушана яго права на абарону, – гаворыць бацька Мікалая Аляксандр Дзядок, былы суддзя.

Мікалай Дзядок пакутуе на галаўныя болі, якія, як ён мяркуе, ёсць вынікам збіцця сілавікамі падчас затрымання.

Па словах бацькі, Мікалай Дзядок пакутуе на галаўныя болі, якія, як ён мяркуе, ёсць вынікам збіцця сілавікамі падчас затрымання.

Па просьбе Мікалая ў сувязі з галаўнымі болямі, якія ў яго не спыняюцца, родныя прасілі прызначыць МРТ. Загадчык медыцынскай часткі СІЗА абяцаў зрабіць гэта да канца месяца.

Аляксандр Дзядок гаворыць, што асабіста не сутыкаўся з адмовамі адвакатаў абараняць яго сына. Аднак ведае, што такое здараецца.

Мікалай Дзядок – блогер, які піша і здымае відэа на грамадска-палітычныя тэмы, публіцыст, актывіст анархістскага руху. Быў затрыманы позна ўвечары 11 лістапада 2020 года супрацоўнікамі ГУБАЗіК і МУС. Падчас затрымання Мікалая моцна збілі, у вочы яму распылялі пярцовы газ. Гвалтам прымусілі зняцца ў на камеру для пакаяннага роліку МУС.

Мікалаю Дзядку прад’яўленыя абвінавачванні па тром артыкулам Крымінальнага кодэкса:

арт. 342 Крымінальнага кодэксу – Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 361 Крымінальнага кодэксу – Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
арт. 295-3 Крымінальнага кодэкса – Незаконныя дзеянні ў дачыненні да прадметаў, дзеянне якіх заснавана на выкарыстанні гаручых рэчываў

Пазбаўленне адвакатаў ліцэнзій – рэпрэсіўны механізм, якім беларускія ўлады карыстаюцца не першы год. Напрыклад, у 2011 годзе шэраг адвакатаў, якія абаранялі палітычных вязняў, былі пазбаўленыя прафесійных ліцэнзій. Сярод іх – Павел Сапелка, Алег Агееў, Тамара Сідарэнка, Таццяна Агеева.

Алег Агееў быў пазбаўлены ліцэнзіі адваката за каментар сайту навін euroradio.by, у якім, сярод іншага, сцвярджалася, што яго кліенту і былому кандыдату ў прэзідэнты Алесю Міхалевічу не дазвалялі атрымліваць перадачы ад сям'і і бачыцца з адвакатам у першыя тры дні яго зняволення ў СІЗА КДБ.

Агееў падаў скаргу ў Камітэт па правах чалавека ААН з нагоды пазбаўлення яго ліцэнзіі ў 2011 годзе. І Камітэт прыйшоў да высновы, што «пазбаўленне аўтара [звароту] ліцэнзіі адваката і тое, як гэта было зроблена, сведчаць аб сурʼёзным і неапраўданым умяшанні ўладаў дзяржавы-ўдзельніцы ў асноватворны прынцып незалежнасці адвакатуры».

– Калі мяне пазбавілі ліцэнзіі, спачатку я абскарджваў гэта рашэнне на нацыянальным узроўні, а ў 2016-ым годзе звярнуўся ў Камітэт па правам чалавека ААН. Цяпер, у 2021 годзе, было вынесена рашэнне па маёй скарзе. Гэта абавязак уладаў Беларусі – выконваць рашэнні Камітэта ААН, і ён не мае тэрміну дзеяння. Сённяшнія ўлады Беларусі, заўтрашнія мусяць выканаць рашэнні КПЧ ААН. Так будуецца міжнароднае права, гэта абавязак дзяржавы. Сённяшнія ўлады не здольныя выконваць свае абавязкі ў галіне міжнароднага права, і гэта вялікая праблема для беларускага грамадства, што кіраўнікі розных дзяржаўных устаноў ігнаруюць прававыя нормы. Але так будзе не заўсёды. Зменіцца ўлада, і рашэнні Камітэта па правах чалавека ААН, а такіх ужо сотні, павінны будуць быць выкананы, і ўсе, хто пацярпеў, мусяць быць адноўленыя ў сваіх правах, — расказвае юрыст Алег Агееў.


Пасля падзей 2020 года шэраг адвакатаў, якія абаранялі фігурантаў палітычна-матываваных спраў, выказваліся ў медыя, былі пазбаўленыя адвакацкіх ліцэнзій. Напрыклад, 9 ліпеня 2021 года адвакацкага статусу пазбавілі Дзмітрыя Лаеўскага за прававую пазіцыю ў спрэчках па рэзананснай палітычна матываванай крымінальнай справе ў гісторыі незалежнай Беларусі. Падчас судовых спрэчак у Вярхоўным судзе 22-23 чэрвеня 2021 года Дзмітрый Лаеўскі прывёў аргументы аб неправамерным характары пераследу не толькі Віктара Бабарыкі, але і іншых абвінавачаных супрацоўнікаў «Белгазпрамбанка», на паказаннях якіх выключна і будавалася абвінавачванне Камітэта дзяржбяспекі і Генпракуратуры, а пасля – і прысуд Вярхоўнага суда.

«Помста тым адвакатам, чыё меркаванне не падабаецца ўладам. Мы бачым, што галасы людзей глушацца, глушацца і галасы адвакатаў. Канешне, гэта пазбаўляе эфектыўнай абароны палітычных зняволеных. Бо гэта лепшыя адвакаты Беларусі. Адвакаты, якія не толькі сядзяць і маўчаць на працэсах, выбудоўваюць лінію абароны з улікам міжнароднага права, а не толькі нацыянальнага рэпрэсіўнага заканадаўства», – гаворыць юрыст Алег Агееў.

Сярод тых, хто страціў ліцэнзіі цягам апошняга года – адвакат Марыі Калеснікавай Людміла Казак, адвакат, які спецыялізаваўся на праве ў медыясферы Сяргей Зікрацкі, адвакаты Аляксандр Пыльчанка, Яўген Маслаў, Юлія Леванчук ды іншыя. Многія з названых асобаў пасля страты адвакацкіх ліцэнзій перайшлі ў сферу праваабароны.

ВХ