Палякі вельмі негатыўна ацэньваюць вынік шасцігадовых змяненняў у правасуддзі, калі гаворка ідзе як аб тэмпах працы судоў, так і аб узроўні даверу да судовай сістэмы, піша ў аўторак Rzeczpospolita, публікуючы вынікі апытання IBRIS (Інстытуту даследавання грамадскай думкі)
Як вынікае з апытання, 69,3% апытаных лічаць, што змены ў правасуддзі, унесеныя Збігневым Зёбрам, не павысілі даверу да правасуддзя (супрацьлеглага меркавання прытрымліваецца толькі 19, 7%).
50% рэспандэнтаў мяркуюць, што змены абмежавалі незалежнасць судовай сістэмы (супрацьлеглае меркаванне падзяляюць 31,9%.), а 64,3% лічаць, што так званыя рэформу судоў пагражаюць Польшчы стратай сродкаў з Еўразвязу.
Адначасова каля 60% апытаных лічаць, што Польшча павінна выканаць патрабаванні ЕЗ, датычныя вяршэнства права, дзеля атрымання сродкаў з Еўрапейскага фонду рэканструкцыі і развіцця. У сацыялагічным даследаванні, праведзеным спецыяльна для газеты Rzeczpospolita, прынялі ўдзел каля 1100 рэспандэнтаў.
эж