Новыя дадзеныя апублікавала Галоўнае статыстычнае ўпраўленне. За апошнія 12 месяцаў насельніцтва скарацілася амаль на 200 тысяч чалавек. Спецыялісты б'юць трывогу. У той час як павышэнне смяротнасці можна растлумачыць пандэміяй, цяжэй зразумець катастрафічны ўзровень нараджальнасці, які зʼяўляецца найгоршым з часоў Другой сусветнай вайны, піша партал money.pl.
Больш-менш з канца 2017 года польскія жанчыны нараджаюць усё менш і менш і нішто не прадвяшчае канца заняпаду. Паводле статыстыкі, у кастрычніку нарадзілася каля 26,5 тысяч дзяцей. Гэта найгоршы вынік з лютага. Акрамя складанага ў гэтым планеa пералому 2020 і 2021 гадоў, раней такіх месяцаў практычна не было.
За кароткі прамежак часу ўлавіць тэндэнцыі ў дэмаграфіі цяжэй, таму вельмі цікавыя падлікі, якія паказваюць агульную колькасць народжаных за апошнія 12 месяцаў. Аказваецца, за год у Польшчы нарадзілася крыху больш за 330 тысяч дзяцей. І гэта найгоршы вынік з часоў Другой сусветнай вайны.
ав