Барацьба з наступствамі зменаў клімату ў эпоху энергетычнай трансфармацыі – гэта адна з тэмаў, якія абмяркоўваліся на канферэнцыі ToGetAir у Варшаве. Выступоўцы задумоўваліся пра тое, як прадухіліць адмоўныя з'явы надворʼя і як нейтралізаваць іх наступствы для чалавека і прыроды.
Намеснік міністра клімату і навакольнага асяроддзя Эдвард Сярка(Edward Siarka) звяртаў увагу на неабходнасць дадатковай высадкі дрэў у лясах і іх дыверсіфікацыі. Ён падкрэсліў, што найбольш папулярныя ў Польшчы дрэвы, успрымальныя да такіх зʼяў, як засуха, навальніцы і шкодныя насякомыя:
- Мы звяртаем увагу на неабходнасць павелічэння паверхні лясоў у Польшчы, нягледзячы на праблемы з засухай. Мы стараемся таксама мяняць структуру дрэвастою, каб павялічыць яго ўстойлівасць да кліматычных зменаў. Пасля Другой сусветнай вайны ў Польшчы высаджалі ў асноўны сасну. Зараз мы хочам, каб лясы былі больш змяшаныя; каб у іх было больш устойлівых лісцяных дрэў.
Прафесар Міраслаў Ментус(Mirosław Miętus) з Інстытута метэаралогіі і воднай гаспадаркі звяртаў увагу на неабходнасць аховы ўзбярэжжа Балтыйскага мора. Паводле яго, гэта можна зрабіць пры захаванні турыстычных каштоўнасцяў гэтых раёнаў:
- З 1960-х гадоў мінулага стагоддзя верагоднасць настолькі моцнага шторму, які змог бы прарваць Гельскую касу даволі высокая. Адзін са спосабаў прадухілення гэткай з’явы – будаўніцтва дзюн. Дзюны – гэта першая, буферная зона ў выпадку шторму.
Кліматычная канферэнцыя ToGetAir будзе працягвацца ў польскай сталіцы да пятніцы.
IAR/аз