Чалавек, які хоча скарыстацца абаронай пасля паведамлення аб парушэннях, напрыклад, у працы дзяржаўнай установы, павінен спачатку пераканаць дзяржаўную ўстанову, што ён гаворыць праўду, і атрымаць адпаведную даведку, паведамляе Dziennik Gazeta Prawna.
На сайце Цэнтра ўрадавага заканадаўства апублікаваныя дзве новыя рэдакцыі законапраекта аб абароне асоб, якія заяўляюць аб парушэннях заканадаўства.
Міністэрства сямʼі і сацыяльнай палітыкі, аўтар новаўвядзенняў, прапануе сурʼёзныя змены па абароне інфарматараў.
Інфарматар павінен падпісаць заяву пад адказнасць за фальшывыя паказанні, і пра тое што ў той момант, калі ён падаваў інфармацыю, яна была праўдзівай. Адвакат Бэата Баран-Вэсалоўска адзначае, што гэта падрывае асновы права Еўрасаюза пра інфарматараў, у якім закладзена добрасумленнасць інфарматара.
- Калі чалавеку будзе пагражаць крымінальная адказнасць, то наўрад, ці ён захоча паведамляць аб парушэннях права ў дзяржаўных установах, кажа адвакат.
У выпакду, калі дзяржаўны орган вырашыць, што інфарматар не даказаў дастаткова сапраўднасці паведамлення, то можа адказаць у выдачы даведкі.
- Гэта сведчанне таго, што заканадаўца не хоча, каб дзяржаўныя органы атрымлівалі такія паведамленні, каментуе адвакат Барташ Таманэк.
яс