Амаль уся заходняя, цэнтральная і паўночная частка Польшчы ў пагрозе ад гідралагічнай засухі. Гідралагічная засуха адносіцца да паверхневых вод. Яна ўзнікае, калі перасыхаюць сажалкі, рэкі, азёры, крыніцы. Гэта перыяд зніжэння рэсурсаў паверхневых вод у адносінах да сярэдняга шматгадовага ўзроўню. Нядаўна Інстытут метэаралогіі і воднай гаспадаркі IMGW выдаў папярэджанне для ніжняга басейна ракі Одэр на вялікай тэрыторыі паміж вусцем ракі Варта і мясцовасцю Грыфіна.
Прэсавы сакратар Метэаралагічнага інстытута Гжэгаж Валіеўскі сказаў, што сітуацыя вельмі сур’ёзная:
- У ліку 520 метэралагічных станцый, якія замяраюць узровень вады, ажно 190 паказвае, што ў нас настала гідралагічная засуха. Калі паглядзім, што адбывалася за апошнія гады, я хачу адзначыць, што апошнія 10 гадоў у нас пастаянна засуха, то цяпер назіраецца амаль найгоршая сітуацыя. Горш у гэтую пару году было толькі ў 2015 годзе.
Прадстаўнік Метэаралагічнага інстытута таксама папярэджвае аб высокай пажарнай небяспецы ў лясах:
- Паводле прагноз Інстытута метэаралогіі і воднай гаспадаркі ў гэтыя дні ў цэнтральнай, усходняй і заходняй частцы краіны назіраецца надзвычайная пажарная пагроза. Крыху лепш стане на поўдні, дзякуй ападкам дажджу, якія пачнуцца сёння.
Сіноптыкі прагназуюць не менш гарачы і сухі жнівень. Ападкі будуць мясцовыя і не палепшаць сітуацыі ў рэках і азёрах. Засуха ў Польшчы будзе ўзмацняцца.
яс/IAR