свініна (шыйка) – 1 кг
цыбуля – 1 кг
два зубчыкі часныку
лаўровы ліст – 2 шт.
духмяны перац
кмен цэлы – 1 сталовая лыжка
кмен молаты – 1 чайная лыжка
сметанковае масла – 2 сталовыя лыжкі
алей альбо свіны тлушч
соль – 2 чайныя лыжкі
чорны перац – 1 чайная лыжка
перац чорны зерне – 1 чайная лыжка
булачкі-кайзеркі альбо падобныя – 8 шт.
марынаваны агурок – 4 шт.
хрэн – 4 сталовыя лыжкі
Свіную шыйку натрыце 1,5 чайнай лыжкі солі, молатым перцам і 1 чайнай лыжкай молатага кмену. Мяса пастаўце на ноч альбо прынамсі на гадзіну ў лядоўню.
Цыбулю нарэжце паўкольцамі, а часнык дробна пасячыце.
Разагрэйце на патэльні алей альбо тлушч і абсмажце мяса з усіх бакоў па 3-5 хвілін, каб яно падрумянілася.
У рондалі растапіце сметанковае масла і абсмажце цыбулю да румянага колеру.
Да абсмажанай цыбулі дадайце свіную шыйку, часнык, духмяны перац, кмен, перац і лаўровы ліст, соль. Затым заліце невялікай колькасцю вады, зменшыце да мінімуму агонь і накрыйце. Тушыце мяса каля 2 гадзін, час ад часу пераварочваючы і пры неабходнасці дадаючы яшчэ вады. Гатовая свіная шыйка павінна быць вельмі мяккай, практычна развальвацца.
Гатовае мяса нарэжце даволі тоўстымі кавалкамі. На кожную палову булкі выкладзеце трохі соусу з цыбулі і пакіньце на некаторы час, каб яна прасмакталася. Затым дадайце цыбулю і кавалкі мяса. Накрыйце кожны бутэрброд верхняй часткай булкі.
Падаваць можна з агурком і невялікай колькасцю хрэна.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл