Інгрэдыенты
400 г макароны
500 г паўтлустага тварагу
2 вялікія цыбуліны
200 г вэнджанага бекону
соль
перац
зеляніна
алей
Спосаб прыгатавання
Адварыце макарону ў злёгку падсоленай вадзе. Адцадзіце.
Тварог разамніце на гладкую масу. Пасыпце яго перцам і соллю. Галоўнае – не перасаліць, таму што бекон таксама салёны.
Дробна нарэжце цыбулю і бекон. На патэльні разагрэйце невялікую колькасць алею і дадайце цыбулю. Праз некаторы час дадайце нарэзаны бекон. Смажце разам, пакуль бекон і цыбуля не падрумяняцца. Дадайце на патэльню тварог. Гатуйце нейкі час, часта памешваючы, пакуль складнікі не аб'яднаюцца. Дадайце на патэльню макарону, добра перамяшайце і гатуйце пару хвілін.
Перад падачай пасыпце зелянінай, напрыклад, зялёнай цыбуляй альбо пятрушкай.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
відэа: адзін з варыянтаў стравы
слухайце аўдыёфайл